تحذير

الله اكبر ولله الحمد

2009-03-14T04:53:00.000-07:00

الله اكبر ولله الحمد

اخيرا ظهر الحق الذي انتظرناه وحاربنا من اجل كشفه على مدى اكثر من شهرين

هم راهنوا على سكوتنا لكن احنا ولله الحمد ما بنخفش من حاجة ولا عندنا شيء مكسوفين منه ولا ممسوك علينا حاجة عشان نحط جزمة في بقنا ونخرس وما نطالب بالحق!

ماحدش يفتكر انهم اتحطوا في البان عشان سواد عيوننا

لا طبعا دة احنا اول ناس اتشالنا من الادمينة لما اتكلمنا لكن لما بدأت الادلة تظهر وريحتهم تفوح كان لابد من وضعهم في البان اخيرا حتى لا يلوثوا سمعة الغرف الاسلامية

وسبحان الله الادلة جاءت من حيث لم نحتسب ... عشان ربنا مش بيسيب حق يضيع ابدا

نشكر كل الاخواة اللى طلعوا رجالة ووقفوا جنبنا للآخر

ونشكر بردو الاخوة اللى ما طلعوش رجالة على الاقل عشان اظهروا لنا حقيقتهم فنعرف بعد كدة احنا بنتعامل مع مين بالظبط

ونشكر الناس اللى كانت بتلعب على الحبلين يعني بالبلدي كدة معاهم معاهم عليهم عليهم .... عاش الملك مات الملك... يشوفوا الكسبان مين ويروحوا معاه علطول!

نشكر كل الاخوات الباسلات اللاتى حاربن معنا من اجل اظهار الحق

ونشكر بردو الاخوات اللاتي لسبب او لآخر ( ولن نلتمس لهم اى عذر ) تجسسوا علينا ودخلوا وسجلوا لنا واعطوا التسجيلات لاعدائنا (مع ان احنا مش عارفين ايه العيب في ان بنات يتكلموا مع بعض في برايفت بس عادي الافلاس وصل بيهم للدرجة دي مع اننا اصلا كل اللى بنقوله في البرايفت بنقوله على العام قدام الناس لاننا مش بوشين) او حاولوا التوقيع بيننا حتى نتشتت ونتفرق وبالتالي نضعف!! نشكرهم لانهم علمونا الا نثق في اقرب الناس الينا بعد الآن

اتعلمنا كثير اوى من البالتوك ومن الازمة دي بالذات

واهم شيء تعلمناه هو ان ليس كل ما يلمع ذهبا!

طبعا زى ما قلنا من قبل ان اللى بيدخل في الموضوع دة بيتفضح وبيتعمله مواقع وصور ملفقة وبالفعل هذا ما حدث منهم وعملوا مدونة ووقعوا باسم واحد نصرانى لانهم جبناء لكن كالعادة غباؤهم فضحهم لسبب بسيط جدا وهو ان النصرانى اللى هيعمل مدونة لفضح المسلمين كان لازم هيحط فيها اسم نومور اوعمر الخيام اووحدوا الله على الاقل بعد الفضائح التى كشفت وبعد كل الكلام اللى اتقال في الفترة الاخيرة ودى كانت هتبقى فرصة مش ممكن يفوتها وخاصة بعد تسجيل"هنتقابل امتى يا بيبي" ... لكن لما ييجي واحد يعمل مدونة ما يكتبش فيها غير اسمائنا نحن واسماء الاخوة الذين وقفوا معنا فقط يبقى دة واحد مالوش مصلحة غير في تلفيق اتهامات لنا نحن فقط وليس للمسلمين او الادامن عامة وفي هذه الحالة واضح جدا من له هذه المصلحة وخاصة بعد تهديدات عمر الخيام للاخت فادية على الخاص بنفس الاسماء التى وضعوها في المدونة!

عمر الخيام اللى عامل فيها تقى كان بيشتم الاخت بافظع الالفاظ ودلوقتي بيقول انهم مش ممكن يهددوا او يفضحوا مسلمين!!! الظاهر نسي ان صاحبه وحبيبه نومور كان بيكلم ناس في التليفون ويهددهم عيني عينك والتسجيلات موجودة! ونسي مين اللى كان بيجمع الناس في الغرف الخاصة ويسمعهم تسجيلات ملفقة ويعملوا عليها حفلة

قال ما يقدروش يفضحوا مسلمين قال

يا راجل اختشي على دمك

واضح انكم اما اغبياء او بتنسوا بسرعة

بس الحمد لله الغباء دايما بيفضح صاحبه

نومور طبعا مكسوف انه اتحط في البان وبيقول ان سبب وضعه في البان هو اختلاف في وجهات النظر!!!!

حلوة اختلاف في وجهات النظر دي يا نومور بس ياريت تفسر لنا شوية ما هذه الاختلافات

طبعا الاختلافات هى ان مش معقول يفضل واحد في الغرفة وياخد المايك وهو طلعله تسجيل وهو بيقول لواحدة هنتقابل امتى يا بيبي !!!

دة حتى يبقى عيب يا راجل

ولا بلاش كلمة راجل دى لانك ما تعرف معنى الرجولة اصلا

ولسة يا نومور الايام مخبيالك كتير باذن الله لان اللى انت عملته في الناس وفي بنات الناس كتير اوى ونحن نثق في عدالة الله

وكل اللى عملته زمان نيللي نيللي هيطلع عليك شريهان شريهان

فقط كن صبورا وانتظر المزيد

صحيح عمر الخيام عامل فيها شجاع وبيقول لو حد سألنى انت مين يا عمر هقوله انا مين لانى ما بخافش واحنا بنسألك اهو يا عمر انت مين

هات اسمك بالكامل بسرعة عشان عايزينه في الامارات لانهم ما بيقبلوا يدخلوا كلاب سعرانة تنهش في لحم النساء هناك

منتظرين اجابتك بشجاعة

فاضل اسم واحد من الشلة مش عارفين ما دخلش البان ليه

بس حتى الان النتيجة مش بطالة

انتهاء صلاحية نومور وعمر الخيام في الغرف الاسلامية

2009-03-03T04:42:00.000-08:00

بداية نود ان نشكر الاخ عبد الكريم صاحب غرفة Christianity Is Under The Microscope لاستجابته السريعة ووضعه الكلاب في البان أول ما علم بالموضوع وذلك حرصا منه على سلامة الاخوات في غرفته ... سبحان الله مع ان الاخ عبد الكريم لم يولد مسلما ولكن غيرته على اعراض المسلمات كانت اكبر من ناس كتير اوى ومن شيوخ ولدوا مسلمين وتربوا على الاسلام... تحية وتقدير وشكر للاخ الكريم عبد الكريم
عقبال ما نشوفهم في البان كمان في غرفة oJJl Muslim Christian Dialogue oJJl خاصة بعدما وصل الاخ وسام الدليل القاطع على ادانة نومور بصوته شخصيا وهو الدليل الذي قسم ظهر نومور واقنع الجميع اننا مش بنفتري على حد ... كل مرة كنا بنطالب بوضعه في البان كانوا بيقولولنا انتوا ما جبتوش دليل بالصوت!!! طيب الآن وصلكم الدليل القاطع 100% وبالصوت فهل سنرى نومور في البان
لقد اكتفيتم بمنعه من أخذ المايك في الغرفة وهذا في حد ذاته يثبت ادانته واقتناعكم بادانته بعد رؤية الادلة الواضحة

قلنا قبل كدة ان نومور بيحلف بالله كدب فكيف يكون عالما كما يدعى البعض من الذين اخذوا على عاتقهم الدفاع عن نومور حتى الموت ربما لحبهم له او ربما لتهديدهم من قبل حضرة الظابط .. ما كانوش بيصدقونا ويقولولنا اتقوا الله دة عالم!!!
عالم ما بيعرف يقرأ قرآن بالتجويد؟!!!
سبحان الله الدنيا دوراة
بعد ما كان نومور بيدخل ادمن مخصوص عشان يطرد بعض الناس ويقولنا نضعهم في الطرد الالى وعمل على وضعهم في البان وما كناش فاهمين ليه (وبعد كدة عرفنا انه بسبب ان الاخت دي عملتله بلوك وفضحته... يعني الباشا -باشا يعني جزمة السلطان- كان واخد الغرفة لحسابه) الآن اصبح هو الذي يطرد من ادامن الغرفة بلا كرامة ومنع من اخذ المايك اللى كان بياخده يرسم نفسه بيه ويفتي على خلق الله
وبعدما كان هو والدلدول بتاعه عمر الخيام يتعاونون على اخراج اللى مش عايزينه او بمعنى ادق اللى مش عايزينها من الغرفة حتى لو كان بتلفيق تكستات وتهديد بعمل مواقع اباحية(وعلى فكرة اللى قلناه المرة اللى فاتت حصل بالفعل وعملوا روابط عليها صور اباحية وتسجيلات ملفقة ... يعني احنا مش بنعمل افلام هندي ولا بنفتري!) اصبحوا الان مش لاقيين غرفة تلمهم اللهم الا غرفة الى هما نفسهم كانوا بيقولوا عليه انه دنجوان !!
الف الف الف مبروك يا حضرة الظابط
والف الف مبروك يا بشمهندززز
ولو انت بتهدد الناس بصفتك ظابط شرطة وعامل فيها شجيع السيما ابو شنب بريمة هات اسمك بالكامل ومكان عملك مادام انت شجاع اوي كدة عشان نبلغ عنك انك بتستغل سلطاتك في مصالحك الشخصية وفي تلفيق التهم للناس والبلطجة على خلق الله لاسباب شخصية وان شاء الله تفقد عملك اللى بتنطط بيه على الناس ... مرة تنتحل صفة ظابط امن دولة ومرة اخرى تنتحل صفة ظابط في مكافحة جرائم المعلوماتية وكأن البلد مافيهاش قانون يحمي الناس من امثالك
تقدر تقولنا يا حضرة الظابط ليه ما استغلتش سلطاتك دي في القبض على سبابين الرسول؟؟؟؟
تقدر تعترف للناس ليه لما كوكي فضحتك على اليوتيوب ما قدرتش تقربلها مع انها كانت اشجع منك وقالت كل معلوماتها الشخصية ومع ذلك ما قدرتش تعمل حاجة وقلت انك خايف انهم يسألوك في الشغل مين كوكي دي ومين نومور؟!!!
ابقى افتري زي ما انت عايز على الناس بس اعرف انه زى ما قلنا ميت مرة
كما تدين تدان!

ملحوظة: هذا الاسم
Ta2 Marbo6ah

وهذا الاسم
Ta2 Marbo6a

كان باعت تعليق ولما سألنا الأخت فادية اذا كان الاسم دة اسمها قالت لا مش هى وانه اسم مقلد وبيدخل على البالتوك بهذه الاسماء ليظن الناس انه فادية ... والاخت تعلن امام الجميع ان هذا الاسم ليس له علاقة بها ولا بأى اخت اخرى مننا فرجاء الحذر من هذا الاسم

***********************************************

وصلتنا هذه القصيدة من الأخ braa2

خرج الثعلب يوما في ثياب الواعظينا
فمشى في الأرض يهدي ويســب الماكرينا
ويقول الحمــد لله إلـه العــالمينــا
يا عباد الله توبوا فهو وقت التائبينا
ازهدوا في الطير إن العيش عيش الزاهدينا
واطلبوا الديك يؤذن لصلاة الصبح فينا
فأتى الديك رسـول من إمام الناسكينا
عرض الأمـر عليه وهو يـرجو أن يلينـا
فأجاب الديك عـذرا يا أضـل المهتدينا
بلغ الثعـلب عني عن جـدودي الصـالحينا
عن ذوي التيجان ممن دخل البطن اللعينا
إنهم قالوا وخير القول قول العـارفـينا
مخطـئ مـن ظـن يومـا أن للثعـلب دينـا

بالصور: إثبات اننا صادقين وانه مش موضوع شخصي ولا حاجة

2009-02-15T07:01:00.000-08:00

في تعليقات جت لنا في الايام الماضية عايزة تصور الموضوع على انه موضوع شخصي تقول اننا بنعمل "فيلم هندي"

واحنا قلنا ميت مرة قبل كدة اننا ليس لنا علاقة بهؤلاء الكلاب عشان يكون لينا مشاكل شخصية معاهم

اللى بيحاول يصور الموضوع على انه موضوع شخصي دة عايز يهرب من المسؤولية وخلاص ويسفه من الموضوع كما لو كان امر الأخوات المسلمات لا يهمه

طبعا ما احنا مش امه ولا اخته ولا زوجته

للاسف دة اللى اكتشفناه في الايام الماضية انك لو ما كنتيش امه او اخته او زوجته يبقى عرضك ما يهموش ولا حول ولا قوة الا بالله

يعني لو واحد بعد كدة قالك اختي في الله ما تصدقيش ... كداب... الى ان يأتي موقف يثبت لك عكس ذلك

وبناء على هذه الاتهامات قررنا ان نثبت للجميع ان الموضوع مش موضوع شخصي والأهم من كدة نثبت ان الاخوات مش بتفتري على حد وسنعرض لكم شهادات بعض الاخوة وعلمهم بما يحدث من قبل ان تشتكي الاخوات حتى... يعني الموضوع قديم ومعروف لدى معظم الادمن القدامى

أولا بدأ الموضوع بعد ان فتحته اخت في منتدى الادمن لتحذير الاخوات ومحاولة ايجاد حل للمشكلة بعد ان علمت انها مش اول اخت تلاحظ اللى بيحصل دة وان اى اخت زمان كانت بتفتح الموضوع دة كانت بتتهم في عرضها وتزورلها تكستات وحاجات وينشأ لها موقع بصور مزورة لاجبارها على السكوت والرحيل... وفي اخت اخبرتها ان آخر مشكلة حصلت مع احدى الاخوات منذ فترة ليست ببعيدة تم تهديد هذه الاخت وقالوا لصاحبتها "قوليلها لو ما سكتتش هنعملها موقع" !!! وبصراحة كانت دائما الاخوات يقولوا مش هنتكلم عشان ما يحصلناش كدة لان للأسف المرأة عندهم كاذبة الى ان يثبت العكس والرجل صادق الى ان يثبت العكس..

المهم اتفتح الموضوع في منتدى الادمن فقط ... ودة اكبر دليل على ان الاخوات ما كان هدفهم ابدا فضح الغرفة لانهم لو كان دة هدفهم كانوا كتبوا الموضوع في المنتدى العام او في مدونة وقدام الناس كلها لكن هما فضلوا ان يظل الامر سرا الى ان يتخذ فيه الاجراء المطلوب لمصلحة الغرفة لكن للاسف الغرفة لم تهتم لمصلحة الاخوات المسلمات .

بعد ما فتح الموضوع فوجئنا بان بعض الاخوة القدامى عندهم علم بالموضوع بل وبعضهم من قال انه تأكد من ذلك بالفعل

وبدأت الاخوات أيضا تتفاعل مع الموضوع وكل واحدة عارفة حاجة تقولها

كل هذا والاخوات لم يذكرن ولا اسم واحد لسة ومع ذلك الكل اجمع على ان هناك مشكلة والكل تقريبا كان عارف احنا بتكلم عن مين بدون حتى ان نذكر الاسماء

وبدأ البحث عن حل للمشكلة
والحق يقال (بعض) الاخوة ما قصروا في محاولة ايجاد حل
والبعض الآخر لما الموضوع دخل في الجد بدأ يتراجع و يتهمنا بأننا أداة في أيد اعداء الغرفة وحاجات غريبة كدة مع ان الامر كان واضح جدا انه معروف من زمان ولدى الجميع مش لدى الاخوات بس وليس له اى علاقة بأعداء الغرفة والكلام الغريب دة

والبعض الآخر اوهمنا ان الامر كله متوقف على ذكرنا للأسماء واننا اول ما هنذكر الاسماء هما هيتصرفوا وهيعملوا ويعملوا ويعملوا حتى لو ادارة الغرفة ما عملتش حاجة!

كل دة والاخوات لم يذكرن اسما واحدا

ثم قالوا لنا لو كلكم شهدتم واجتمعتم على اسماء مشتركة فهذا يعتبر دليل لأن القرآن الكريم قال
وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَداً وَأُوْلَئِكَ هُمُ الْفَاسِقُونَ]
اذن فالشهود في الشرع يعتبروا دليل اذا اجتمعوا على نفس الشيء انه حدث

وزد على ذلك اذا زاد عدد الشهود على هؤلاء اكثر من اربعة شهداء حيث ان هؤلاء الكلاب اشتكى منهم أخوات كثيرات جدا على مراحل مختلفة ... يعني حتى قبل ان يثار الموضوع كان في بنات بتشتكي من نفس الناس دى وفي بنات سابوا البالتوك من زمان وبنات احنا ما نعرفش عنهم اى حاجة واستحالة نكون متفقين معاهم واستحالة ان كلنا تآمرنا على نفس الاسماء واجتمعنا عليهم كدة بدون اى سبب... سبحان الله الامر واضح للى عايز يفهم لكن اللى حاطط عصابة على عينه عشان مش عايز يفهم بكرة ان شاء الله بنته تدخل الغرفة وتيجي بنفسها تشتكيله وساعتها ممكن يصدقها دة لو ما كان فات الاوان والبنت اتفتنت في دينها بسبب هؤلاء وساعتها هيقول يا ريتني صدقت بناتي اللى اعتبروني ابوهم واشتكولي لكن للأسف انا لم اكن لهم أبا!

وقبل ان ننطق بأى اسم اذا بأحد الاخوة يكتب الاسامي التى اثيرت حولها الشبهات من قبل في المنتدى ويسألنا اذا كنا نشتكي من نفس هذه الاسماء!

وبالفعل الاخوات قالوا شهادتهم امام احد الاخوة الذي وعدهم بان التكست لن يطلع برة وما احد هيشوفه الاا صاحب الغرفة فقط وبعد ذلك فوجئنا بالتكست اللى فيه شهادتنا بيتوزع على الناس ووصل حتى لناس من خارج الغرفة!!! واحنا مش فارق معانا انه يطلع لان احنا اصلا كل اللى قلناه بتقوله على الاواى وفي كل مكان الآن... لكن انتوا مادام كنتوا عايزين الموضوع يكون متكتم عليه وما يطلعش برة ليه خنتوا الامانة و طلعتوا التكست برة ؟؟؟ اين حفظ الامانة؟ يبقى ما تزعلوش مننا بقى اننا بدأنا باعلان ما يحدث لانكم اول من خان الامانة

تم بالفعل رفعهم من الادمنية لانه ثبت تعديهم على اكثر من اخت والشكوى جاءت منهم من أخوات مختلفات لم يجمعهن الا هذا الموضوع

لكن بعد كدة اكتشفنا ان دة مجرد اجراء صوري لاسكات الاخوات عشان الفضايح والمفروض ان صاحب الغرفة قال اثناء الموضوع هذه الجملة على المايك امام الغرفة

قال ان اللى هيسيء للغرفة هيرفع من الادمن ومش هياخد المايك في الروم تاني
بس اللى حصل انهم كانوا بيدخلوا الغرفة عادي جدا والناس تحييهم على المايك والتكست ولا كأنهم كانوا بيخونوهم ويطعنوا في اعراض المسلمين.. لكن هنقول ايه ما احنا مش اخواتهم ولا بناتهم ولا زوجاتهم زي ما قلنا قبل كدة

وفضلوا بالفعل ياخدوا المايك ويحاوراو النصارى كمان بل ومرة احد الادمن سامحه الله كان هيسلم عمر الخيام الادارة!!!

ونومور اللى هو اصلا من زمان مش بيدخل بعمامة الادمن "لسبب ما" مع انه ادمن فضل يدخل عادي و ياخد المايك ويحاور النصارى ويخلى الادامن تنقطله الضيوف لما يكتب خمسة على التكست... يعني لم يتغير في الامر شيء! مجرد اجراء صوري عشان الاخوات تتخرس بقى وتبطل وش.
الغريب ان اثناء ما الموضوع كان شغال جاءنا خبر ان نومور كدة كدة لازم هيدخل البان عارفين ليه؟ مش بسببنا احنا...سبحان الله... لكن عشان كوكي اللى فضحاه على البالتوك وعلى اليوتيوب قالت اوصافه لبعض الناس وطلعت فعلا اوصافه الحقيقية بل وتحدت ان تتعرف عليه من بين اكتر من الف شخص .... يعني فعلا هو قابلها في كازينو الشجرة المشبوه.. وبذلك كان لازم يدخل البان بدون كلام لانه عار على الغرف الاسلامية كلها ... لكن واضح ان في اعتبارات اخرى بتتحكم في الغرفة وانه حتى لو جئنا لهم بمليون دليل برضو لن يوضعوا في البان... ولذلك وجب علينا ان نحذر الجميع من هذه الاشخاص بما انهم سيظلوا يدخلون الغرف الاسلامية عادي جدا ويعبثون بأعراض المسلمات عادي بردو... ووجب علينا ان نخرج الموضوع الى العلن بعد ما كان في الخفاء (لاجل مصلحة الغرفة) لكن الغرفة التي لا يهمها امر المسلمين والمسلمات ليس لها ان تطالب المسلمين بالسكوت عن الحق لاجل مصلحتها لانها اصلا لم تهتم لمصلحة المسلمين عامة.. والمصلحة العامة مقدمة على المصلحة الخاصة و تقتضى تحذير كل مسلمي البالتوك من هذه الاسماء حتى لا يقع احد في شراكهم وتهدم بيوت مسلمة بسببهم...
عرفت بقى يا استاذ "غير معروف" ان الامر مش موضوع شخصى زى ما حضرتك حبيت تصوره؟

وعرفت يا استاذ ماجد ان الافلام الهندي دي مش احنا اللى بنعملها...

وبالنسبة للاستاذ اللى فرحان ان الاخت توتا اتشالت من الادمنية نحب نقوله احنا اصلا مش عايزين الادمنية... سيبنهالكم .. لان واضح ان الادمنية تقتضي امور نحن لا نقبلها ولا نقدر عليها مثل السكوت عن الحق... واحنا لو سكتنا عن الحق يبقى بنخالف ديننا اللى احنا اصلا داخلين البالتوك عشان ندعو اليه... و مصلحة البيوت المسلمة واعراض المسلمين اهم عندنا من اى شيء آخر ! لأن الواضح انهم مش بس بيعاكسوا البنات لأ دول كمان كانوا بيعاكسوا الاخوات المتزوجات واللى ما ترضخش يطلعوا عليها كلام زى الزفت افتراءا وكذبا يعني ممكن يكونوا سبب في هدم اسرة مسلمة وخراب بيت مسلم

نسأل الله العظيم رب العرش العظيم ان كل انسان عارف اننا صادقين وعارف الحقيقة وساكت يتردله دة في عرضه وفي اهله عشان ساعتها يعرف انه أكل يوم أكل الثور الأبيض ويقول يا ريتني وقفت مع الحق عشان كنت الاقي اللى يقف معايا في محنتي

ونرجع ونقول : كما تدين تدان!

المفتش كرومبو يكشف حقيقة عصابة حمادة وتوتو

2009-02-09T06:25:00.001-08:00

عندما قمنا بالتحذير من عصابة حمادة وتوتو سألت الجماهير عن هذه العصابة ومن هم
وبناء على طلب الجماهير وحتى لا يؤخد الصالح بالطالح ويظن الناس السوء بأشخاص تانية سنكتب الأسماء المعروفين بها في برنامج البالتوك وذلك لتحذير المسلمين مع العلم ان هذا لا يدخل في نطاق الغيبة لأن من ضر المسلمين وجب التحذير منه وذكر اسمه واوصافه حتى يحذر منه المسلمون ولا يجب بأى حال التستر عليه كما يفعل بعض المنافقين والمتاجرين باسم الدين لأن التستر عليه سينتج عنه أن ينتشر ضرره ويصيب مسلمين آخرين

عايز تعرف مدى فحش وضرر هذه الشلة شوف بيعملوا ايه في اى حد يقرب منهم او يلمح فقط بفضح امرهم
تبدأ التهديدات تشتغل لو اخ يهددوه بظابط الايقاع انه هيلفق له تهمة ويوديه في داهية ولو اخت يهددوها بعمل موقع لها ونشر صور اباحية(غالبا صور امهاتهم او زوجاتهم مش عارفين بالظبط بيجيبوا الصور منين) والصاق هذه الصور باسم الاخت حتى يظن الناس انها اخت مش كويسة وبالتالى لا يسمعوا تحذيراتها

عرفتوا ليه بقى نومور كان باعت واحد اسمه ahmed_9000_3 ليخترق اجهزة الاخوات التى لم تستطع الشلة استدراجهن ليكونوا من الحريم؟ عشان ياخدوا اى صورة ليها من جهازها ومن ثم يبدأ التهديد اما ان تكون من الحريم او تسكت عما حدث معها من محاولات والا سينشر لها موقع او مدونة بعد تركيب الصور لها ليوهموا الناس انها واحدة مش كويسة

ولكن الحمد لله هذا النطع احمد 9000 لم يستطع ان يفعل شيئا وحتى لو كان دخل اجهزتنا ما كان هيلاقى صور وبالتالى لم يستطيعوا تهديدنا ووقفنا شوكة في حلوقهم لأنهم لم يقدروا علينا

ونحن نتسائل كيف للغرف المحترمة التى تنتمي لمنهج اهل السنة والجماعة ان تسمح لمثل هؤلاء بالدخول وأخذ المايك والادارة

والعصابة تتكون من:

wa7edo_allah_1

دة بالذات لما الاخوات قالوا شهادتهم كان اسم مشترك عند كل الاخوات
ما بيسبش واحدة تعدي يعني
اول ما تدخل واحدة جديدة الغرفة يجراله حاجة ويبدأ يطلب الخاص ولما الاخت ترفض يبدأ يطلب الخاص على المايك ليحرج الاخت ومرة أخت اشتكت انه مرة زعقلها على المايك عشان تفتح الخاص وتضيفه
اسمعوا يا من تقولون للاخوات اقفلوا الخاص والمشكلة تنتهي
الأستاذ قعد يزعق على المايك ويقول بقالى ساعة بدور على نص و الادمن كلهم قافلين الخاص !!!!
وهو النص ما يطلبش الا على الخاص يا عين امك؟ ولا هو نص مكتوب بالحبر السري مش هيظهر الا على الخاص؟!!!

-OMAR ELKHYAM

دة مش محتاج كلام بعد ما رأيتم الشتايم القذرة اللى بيرسلها لاحدى الاخوات لانها فضحت امره
ودة بقى شغال دلدول لظابط الايقاع بيوصل الرسايل بتاعته والتهديدات
ولما واحدة تدخل جديد يبدأ الشغل بردو
قال ايه اعلمك الاقصى وهو عمره ما عرف برنامج الاقصى بيشتغل ازاى اصلا
وطبعا اللى تفضح امره علطول يبدأ شغل العصابات من تهديدات وتلفيق تكستات وويسبرات للاخت عشان يخرجوها من الغرفة بسرعة قبل ما الناس تبدأ تصدقها او تسمع لها ويبعتولها رسايل مع ناس انها لو ما سكتتش هيعملولها موقع اباحي بصور ملفقة ولا حول ولا وقة الا بالله

والسؤال الان للمنافقين الجدد: هل الشكوى ضد هؤلاء تضر مصلحة الدعوة وتلفيق صور للمسلمات وانشاء مواقع اباحية لا يضر الدعوة؟

حد من المنافقين الى بيكلمونا كل يوم عشان نسكت يرد عليانا

NO_MORE100100_NO

أبشر من الان سيكون اسمك على مسمى ... مفيش مية مية بعد الان ... ستفضح حقيقتك وابقى اجري ورا النسوان في مكان تاني مش بين المسلمين... الباتلوك مليان غرف اباحية ممكن تلمك وتلم امثالك

ماهو مش كل واحد مراته سابته ولا قرطسته هييجي يطلع عقده على بنات الناس

هذا من اكتر الناس اللى هتتصدموا فيهم طبعا لانه بيعرف يطلع على المايك يرسم نفسه ويعمل فيها عم العالم ويفتي شوية
الطريف ان مرة كان بيفتي كالعادة وواحد من المنافقين طبعا راح قايل له على التكست انت موسوعة في العهد القديم يا نومور والمسكين ما يعرفش ان الواد كل كلامه كان غلط ولو كلف نفسه احد المنافقين ان يعمل بحث بسيط عما كان يقوله ساعتها لوجد ان الكلام كله فتي

هذا الذي يدعي العلم قال لنا يوما ان نضع حديث زواج النبي صلى الله عليه وسلم من مريم ابنة عمران في برنامج الاقصى وننزله على التكست
سألناه هو دة حديث صحيح؟
قال طبعا صحيح يا اخوانييييي
احنا ما بنقولش حاجة مش صحيحة!!!
الاخوة راحوا بحثوا فوجدوا انه لا يوجد راوية واحدة صحيحة لهذا الحديث وكلها اما منكرة او ضعيفة او موضوعة!!!!

يعني هو حتى لم يتواضع ويقول لا اعلم ابحثوا فيه وانما اخذته العزة بالجهل فقال احنا ما بنقلش حاجة غير صحيحة!!!

(بس بصراحة كان منظرك وحش اوى يومها)

هذا الذي يدعي ان الرسل هم أولو العزم فقط اما ما عدا ذلك فهم انبياء!!!
يعني الرسل هم خمسة فقط!!!
والله قال في كتابه الحكيم
وَاذْكُرْ فِي الْكِتَابِ إِسْمَاعِيلَ إِنَّهُ كَانَ صَادِقَ الْوَعْدِ وَكَانَ رَسُولاً نَّبِيّاً

ومن المعلوم ان اسماعيل عليه السلام ليس من أولي العزم ومع ذلك فقد اخبرنا الله انه رسول فهل نصدق نومور اللى ما بيقولش حاجة غير صحيحة ام نصدق القرآن كلام رب العالمين؟؟

وبعد هذا الجهل البين يطلع على المايك وينتقد الاخوة والشيوخ ويقول رأيه المتواضع فيهم!!!!
من انت لتقول عن واحد رائد في مجال مناقشة النصارى مثل احمد ديدات انه ضعيف
من انت لتحكم على باقى الاخوة الذين ربما رزقهم الله علم لم تصل اليه حتى في احلامك

عندما سألوه ما رأيك في أحد الاخوة (الذين نحسبهم على علم )

ماذا كانت اجابته؟
قال بحس ان صوته كأنه لسة صاحي من النوم
يا حرااام
قال مالقوش في الورد عيب قالوا لسة صاحى من النوم
ما علاقة صوته بمستوى علمه ؟؟؟؟؟؟
روح يا شاطر اتعلم دينك الاول وبعدين ابقى تعالى قل لنا رأيك في المشايخ والاخوة
مش انت بردو الى نصحت الناس انهم ما يدخلوش في مناقشة النصرانيات الا بعد ان يتمكنوا تمااااااااااااااااما من الاسلاميات؟!!!!

طبعا هو مش فاضي يتعلم دينه لانه شغال جرى ورا البنات ليل ونهار بحجة انه بيدور على عروسة مع انه متجوز ومخلف بس ماحدش يقول عشان العرايس ما تهربش شششششششششششش
وعامل ارشيف بمعلومات الاخوات والاخوة... حتى الأخوة؟؟
اه حتى الاخوة عشان الاخ اللى يتجرأ فقط ويعترض على اللى بيعمله يكلمه في التليفون ويهدده

عشان كدة اول ما الموضوع اتفتح كان في ناس كتير اوي واقفة معانا لانهم عارفين ومتأكدين اننا بنقول الحق لاننا مش اول ناس تشتكي
لكن بعد شوية بدأت الناس تنسحب بهدوء واحد ورا التاني للأسف الشديد ولم يبق الا القليل من الشرفاء بجانبنا والكل يكلمنا يقولنا نسكت

واضح ان حضرة الظابط عامل عمايله في التهديدات

سؤال يا حضرة الظابط: ماذا فعلت لسبابي الرسول امثال حسنين وغيره اللى بيسبوا النبي ليل ونهار؟ واللى الاخوة جابولك معلوماتهم لحد عندك يعني ما كانش ناقص غير انك تتصرف معاهم

ولا انت ما بتتصرفش غير مع المسلمين المعارضين فقط؟؟؟؟

كلمة اخيرة : اللى خايف على مصلحة الدعوة ومصلحة الغرفة ينضف الغرفة عشان يثبت للناس كلها انها غرفة فوق مستوى الشبهات بدل ما يقول للناس اسكتوا وما تنطقوش عشان مصلحة الغرفة... وهل مصلحة الغرفة في التشهير بالمسلمات وانشاء مواقع ملفقة لهن وتجميع المعلومات عنهم؟؟؟؟؟؟

بأى منطق تتكلمون؟!

عصابة حمادة وتوتو - الحلقة الثانية

2009-02-04T06:54:00.000-08:00

أشرنا في الحلقة الأولى من عصابة حمادة وتوتو الى طبيعة هذه العصابة وبعض الطرق التى يستخدمونها للوصول للأخوات المسلمات وخاصة الجدد

الغريب ان كل مرة نشتكي يكون الرد جاهز : اقفلوا الخاص
وكأنهم حافظين مش فاهمين
طب ما احنا اصلا قافلين الخاص وبردو بيحاولوا يوصلولنا عن طريق الهاكر وعن طريق حيلة أخرى سنعرضها الآن

منذ فترة غير بعيدة لقينا واحدة جايبها واحد من الشلة القذرة وقالوا ايه دي هتسلم الآن بس هى مش عايزة حد يعرف صوتها فهتستعمل برنامج صوت
وبالفعل طلعت على المايك وقالت الشهادة او بمعنى اصح اذاعت تسجيل للشهادة بصوت واحدة بنت لانه كان واضح جدا انه تسجيل
طبعا الخطوة التالية : الأخوات يضيفوا الاخت الجديدة عشان يعلموها الصلاة ويجيبوا على أسئلتها
وهذا ما تم بالفعل لأن الأخوات أصلا داخلين عشان يساعدوا في الدعوة وهذه احدى الطرق للمساعدة في الدعوة والتى لا يقوم بها الا الاخوات
بدأت البنت دي تكلم كل أخت شوية وتطلب من كل الادمنيات انهم يضيفوها
وبعد شوية بدأت الاسئلة الشخصية
انتى متجوزة؟
عندك عيال؟
وهكذا
وحصل شيء غريب وهو ان البنت دي كانت كل ما تكلم أخت تقول لها ابعتلك صورتي؟
عايزة اوريكي صورتي
يا ستي وانا هعمل ايه بصورتك هو احنا هنتجوز؟
لا أصل انا زى القمر وعايزة اوريكي صورتي
فبدأ الشك يدخل في قلب الاخوات من كلام وسلوك هذه البنت
عملنا اجتماع وكل واحدة تقول اللى قالتهولها البنت دي ووجدنا تضارب في أقوالها
ووجدنا ايضا انها كانت بتحاول تبعت صورتها لكل واحدة حتى من المرة الاولى التى تكلمها فيها مع انها اصلا المفروض انها اسلمت في السر ومش عايزة حد يعرف هى مين
منين بقى عايزة توزع صورتها على الناس وهى مش عايزة حد يعرفها وما رضيتش تسلم بصوتها الحقيقي على المايك؟؟؟
قررنا اننا مش هنتكلم معاها تاني الا لما نسمع صوتها
كل مرة واحدة تطلب منها تتكلم على المايك تتحجج بحجة شكل

وضعناها تحت الملاحظة وكتبنا موضوع في منتدى الادمن عشان الكل يأخذ حذره

وفي يوم كنا مجتمعات فوجداناها بتدخل اوفلاين وتكلم واحدة واحدة
ولما كلمت اخت والاخت دي قالت لها ايه رأيك نتكلم مايك قالت لها لا دة انا عندنا عزومة ولازم اخرج اقعد معاهم وقفلت مع الاخت بالفعل بسرعة
مفيش دقيقتين لقيناها داخلة اوفلاين وبتكلم اخت تانية وعايزة ترغي معها وطبعا هى ما كانتش تعرف ان الاخوات كلهم مجتمعات عشان يشوفوا ايه آخرتها
فالأخت التانية سألتها انتى بتعملى ايه دلوقتي فقالت لها مفيش بتصفح النت!!!
يعني ولا عندها عزومة ولا بطيخ قاعدة فاضية بتتصفح النت
قمنا تاني يوم اجتمعنا وعملنلها دعوة عشان نواجهها كلنا وقلنا لها يلا خدي المايك قولي اى حاجة
قامت طبعا عملت فيها قافشة وشتمتنا وقالت انا هثبتلكم انى بنت لما اكون جاهزة!!! وخرجت من البالتوك كله وما رجعتش تاني

ادينا اسمها لبعض الاخوة وبالفعل تم التأكد انها رجل مش بنت
السؤال الآن الذي يطرح نفسه... بل هى اسئلة كثيرة:

أولا: لمصلحة من يتم هذا التلاعب بالأخوات والكذب عليهن ومحاولة الوصول اليهن بكل الطرق حتى وان كن غالقات الخاص!
ثانيا: كيف يسمح لمثل هؤلاء التلاعب بمصداقية الغرفة مما يعرض الغرفة كلها للخطر
ثالثا : لماذا عندما قلنا للاونر ان هذا رجل وليس بنت ويجب وضعه في البان رفض؟!!
الا يوجد هناك من يصدق الاخوات؟ يعني لازم الاخوة يشهدوا ويقولوا ايوة دي راجل واحنا اتأكدنا عشان الناس تصدقنا؟

ودى مش اول مرة يحصل فيها الأمر دة
أخوات كتير اتخدعوا قبلنا ووقعوا في نفس الفخ وكانت البنت تدخل معاهم برايفت تسألهم اسئلة محرجة في الفقه والطهارة والزواج طبعا عشان الاخت تجاوب على المايك وكل دة كان بيتسجل والأخت تظن انها بذلك تساعد مسلمة جديدة على تعلم دينها وهى في الحقيقة ضحية عالم قذرة اتخذوا من الدعوة ستارا لتغطية افعالهم الحقيرة وامراضهم النفسية

لمصلحة مين اللى بيحصل دة؟ ولمصلحة مين السكوت عليه؟!
يا ريت حد يرد علينا